● ગઝલ ● ઇલિયાસ શેખ
ટેંરવા હમણાં ઝબોળું, ત્યાં હાથ થૈ જાતા પવન,
રેશમી-મલમલ, સરકતાં જળ સમું તારું બદન.
નિલરંગી નભ તળે, તું ફરફરાવે ઓઢણી,
સપ્તરંગી પાલખીમાં હું ભમું ચારે
ભુવન.
ઓ તરફનાં ઘાટ પર તું ઉતરે સાથળ લગી,
આ તરફ ડુબકી લગાવી, હું કરું તૃષા શમન.
ચાંદ-સુરજ દે ધરી, તું ઓથ પાલવનો કરી,
ગાઢ નિંદ્રામાં સરી હું કરું અવિરત
ચવન.
હસ્તરેખાની લગોલગ, તું મૂકે મહેંદી પછી,
રક્ત્ત સાથે નામ તારું નિત કરે
નખશિખ વહન.
●●●
No comments:
Post a Comment