Monday, July 22, 2013

A Lady with a Boat

ગઝલ ઇલિયાસ શેખ 

નિતનવાં તર્કો થતાં ભીતર તળાવમાં,
નીકળે રેશમ ઝબોળી, કોણ નાવમાં.

ઓઢણી સરકી જરા પાગલ પવનનાં જોરથી,
ટેંરવે હલચલ મચી, સાદા બનાવમાં.

તું ય ભરવરસાદમાં ત્યાં એકલો પડે,
એ તને પણ તમતમે રૂઝેલ ઘાવમાં.

કોઈ તો પથ્થર સમજ કે કોતરો મને”
છેવટે એવું કહે: શિલ્પી તનાવમાં.

રાત છે માદ્દ્ક મજાની, આવ જલપરી,
સાત તળ લગ છેડશું, પખવાજ વાવમાં.
                             

Saturday, July 20, 2013

An Erotic Gazal by iliyas shaikh

ગઝલ ઇલિયાસ શેખ

ટેંરવા હમણાં ઝબોળું, ત્યાં હાથ થૈ જાતા પવન,
રેશમી-મલમલ, સરકતાં જળ સમું તારું બદન.

નિલરંગી નભ તળે, તું ફરફરાવે ઓઢણી,
સપ્તરંગી પાલખીમાં હું ભમું ચારે ભુવન.

ઓ તરફનાં ઘાટ પર તું ઉતરે સાથળ લગી,
આ તરફ ડુબકી લગાવી, હું કરું તૃષા શમન.

ચાંદ-સુરજ દે ધરી, તું ઓથ પાલવનો કરી,
ગાઢ નિંદ્રામાં સરી હું કરું અવિરત ચવન.

હસ્તરેખાની લગોલગ, તું મૂકે મહેંદી પછી,
રક્ત્ત સાથે નામ તારું નિત કરે નખશિખ વહન.
 ●●●

Thursday, July 18, 2013

Gazal : Tu aur Mein

ग़ज़ल : तूं और मैं : इलियास शेख़

तूं अब दैरो-हरम में हो यां,
मैं तो मेरे घर में सोया ।

मैं हँसता फिरता ईन गलियोंमें,
तूं हर शू रूक-रूक के रोयां ।

मेरी तो आँखे ओझल थी,
तुंने कुछ क्या देखा गोया ?

वो मेरां साया ही कब था ?
धूप में कुछ न पाया, खोया ।

मैंने कल भीगी आँखो को,
चन्द बीख़रे ख्वाबो से धोया ।

      ●●●

Tuesday, July 16, 2013

Ba (The Mother)

બા ઇલિયાસ શેખ

ઉંમરનાં તકાદે થોડા ઝુકી ગયા છે , એટલું .
બાકી આંખ આજપણ તાકે છે, ઉન્નત મસ્તકે.
આકાશનાં બીજા છેડાને ખુમારીનાં ખમીરથી.

ક્યારેય ખુટતું નથી,
એના સાડલાને છેડે બાંધેલું પરચુરણ.

એક તો અરિસામાં,
ને બીજે બસ એની આંખમાં,
જોઈ શકુ છું હું બાની આંખ.

મોંસૂઝણૅ, ગલી-ગલીએ છાણ વીણતી બા,
મને કાયમ.
રાતનાં ખરેલાં તારાં વીણતી પરી લાગી છે.

દિવાલ પર હારબંધ થાપેલા છાણાં,
મારે મન તો જાણે, મીઠાં જુવારનાં દાણાં.

અઢળક બળતણ વેંચી-વેંચીને,
ટાંકા-ટેભા ભરી-ભરીને.
બા , અકબંધ રાખી છે, અમારી મુઠ્ઠીને.

રસોડાનું એક-એક વાસણ
બની ગયું છે, અક્ષયપાત્ર.
બા નાં બરક્તી હાથે.

ઉંમરનાં તકાદે થોડા ઝુકી ગયા છે, એટલું .
બાકી બેઠાં મારી સામે .
ખડી સાકરનાં ટુકડાને સમરસ ચગળતાં.
મારી રગ-રગમાં સંચારિત કરતા, ખુમારીનાં ખમીરને.
●●●